Back Edgar Degas Afrikaans Edgar Degas AN إدغار ديغا Arabic ادجار ديجا ARZ Edgar Degas AST Edgar Degas Aymara Edqar Deqa Azerbaijani Эдгар Дега Bashkir Эдгар Дэга Byelorussian Эдгар Дэга BE-X-OLD
Dr Edgar Degas, äigentlig Hilaire Germain Edgar de Gas (* 19. Juli 1834 z Bariis; † 27. Septämber 1917 z Bariis), isch e franzöösische Mooler und Bildhauer gsi. Mä zelt en hüfig zu de Impressioniste, vor allem wil er vilmol zämme mit iine usgstellt het. Aber sini Gmäld underschäide sich vo dene vom Impressionismus under anderem dur die exakti Liniefüerig und die klar strukturierti Bildkomposizioon. Dr Degas het e Hufe Bordret gmoolt und sich sust uf e baar weenigi Themene konzentriert, won er immer wider variiert het: s Ballett, Dschocki und Ross, s Bariiser Nachtlääbe und Fraue bi dr Körperpfleeg. Näbe dr Öölmoolerei und grafische Technike het er sich mit dr Bastellmoolerei abgee und s bi dere zun ere ussergwöönlige Mäisterschaft brocht. Sini Blastike zäige e nöiji Uffassig vo Skulptur.